Հայաստանում հեռարձակման թվայնացման այլընտրանքային առաջարկությունների փաթեթ է մշակվել
 |
| Խոսքի ազատության պաշտպանության կոմիտեի նախագահ Աշոտ Մելիքյանը (աջից) եւ փորձագետ Մեսրոպ Հարությունյանը լրագրողներին են ներկայացնում այլընտրանքային առաջարկությունները, Երեւան, 21–ը դեկտեմբերի, 2010թ. |
Առաջարկությունները վերաբերում են ոլորտը կարգավորող օրենսդրությանը, թվայնացման անցման տեխնիկական խնդիրներին եւ հեռարձակման թվայնացման անցնելու գործընթացում հանրային համաձայնությանը:
«Հեռարձակման ոլորտը անհրաժեշտ է ազատականացնել: Այդ ուղիով է գնում քաղաքակիրթ աշխարհը», - երեքշաբթի օրը լրագրողների հետ հանդիպմանը ներկայացնելով առաջարկությունների փաթեթը` կարծիք հայտնեց Խոսքի ազատության պաշտպանության կոմիտեի նախագահ Աշոտ Մելիքյանը:
Մելիքյանի խոսքով, ներկայումս գործող հեռուստատեսային հեռարձակման թվայնացման օրենսդրությունից եւ դրա ներդրման գործընթացից տպավորություն է ստեղծվում, որ «պետությունը ինչ-որ որոշում է կայացրել, եւ այն պարտադրվում է հասարակությանը»:
Խումբը, մասնավորապես, առաջարկում է պարզ ընթացակարգով լիցենզիաներ տրամադրել հեռարձակման համար, դրա դիմաց գանձելով որոշակի տուրք: Ընդ որում` այս դեպքում լիցենզիա ստացող ընկերություններն իրենք են որոշելու հեռարձակման իրենց համար նախընտրելի տեխնոլոգիան` թվային հեռարձակում պետական կամ կոմերցիոն ցանցերի միջոցով, կաբելային հեռարձակում, ինտերնետային հեռարձակում եւ այլն:
Հեռուստատեսային հեռարձակման թվայնացման գործընթացի օրենսդրական կարգավորման աշխատանքներն ավարտին հասցնելու նպատակով այս տարվա սեպտեմբերին նախագահ Սերժ Սարգսյանի առաջարկով նույնպես աշխատանքային խումբ էր ստեղծվել` Մարդու իրավունքների պաշտպանի ղեկավարությամբ, սակայն Խոսքի ազատության պաշտպանության կոմիտեն հրաժարվել էր ընդգրկվել խմբում եւ հայտարարել էր, որ պատրաստվում է այլընտրանքային փաթեթ մշակել:
Labels: Armenia, Digital Broadcasting, Media
posted by Mediapitek at
10:56
0 Comments:
Post a Comment
Subscribe to Post Comments [Atom]
<< Home