Friday, 8 July 2011

ITU. Հայաստանում ինտերնետից օգտվում է բնակչության 37%-ը



Միջազգային հեռահաղորդակցության միությունը (ITU) հրապարակել է աշխարհում ինտերնետ օգտագործողների թվի վերաբերյալ վերջին տվյալները։


Ինչպես եւ սպասվում էր, հեղինակավոր այս կազմակերպությունը վերջին երկու տարիներին Հայաստանում ինտերնետ օգտագործողների թվի շեշտակի աճ է արձանագրել։

Այսպես, եթե 2007–8 թվականներին ինտերնետից օգտվողների թիվը գրեթե անփոփոխ է մնացել՝ կազմելով բնակչության 6 տոկոսից մի փոքր ավելին, 2009–ին եւ 2010–ին այս ցուցանիշը բազմապատկվել է, հասնելով համապատասխանաբար 15.3% եւ 37%։

Սա, իհարկե, պայմանավորված է ինտերնետի գների ավելի քան քառապատիկ անկմամբ, ինչպես նաեւ ինտերնետում հայ օգտագործողների համար գրավիչ ծառայությունների՝ սոցցանցերի եւ VoIP (օր.՝ Skype) տարածվածությամբ։

No comments:

Post a Comment