5 կանխատեսում. հայաստանյան օնլայն մեդիան եւ սոցցանցերը` 2012-ին

1. Սոցիալական մեդիայում մասնագիտացված կուրատորների ի հայտ գալը` մարդիկ, ովքեր օգտագործում են սոցցանցերը կոնկրետ քաղաքական թիմի կամ կոնկրետ բիզնեսի եւ ապրանքատեսակի գովազդման համար, դրա դիմաց գումարներ վաստակելով: Սա կհանգեցնի սոցցանցերում ՍՊԱՄ-ի` գովազդային եւ անհետաքրքիր բովանդակության ծավալի ավելացման, եւ որպես հետեւանք` սոցցանցերից ընդհանուր «հոգնածության»:
2. Գեյմիֆիկացիա եւ սոցցանցային խաղեր - սոցցանցերում արդեն իսկ մեծ տարածում ստացած խաղերը նոր «մուտացիաներ» կունենան: Բջջային օպերատորները եւ հասարակական կազմակերպությունները առաջ կմղեն ապրանքների եւ գաղափարների «վաճառքը» խաղերի միջոցով: Որպես հետեւանք` սոցցանցային քննարկումները կկորցնեն իրենց լրջությունը:
3. Բլոգերների ակտիվացում եւ բյուրեղացում - երկրում քաղաքական ակտիվության բարձրացմանը զուգընթաց` նորից կակտիվանան բլոգերները, կստեղծվեն մի շարք նոր հետաքրքիր բլոգներ որոնք իրենց բովանդակությունը հաջողությամբ առաջ կմղեն սոցցանցերում: Միաժամանակ, բլոգոսֆերան «կբյուրեղանա»` այն մարդիկ, ովքեր ավելի շատ քոփի-փեյսթինգով են զբաղվում, վերջնականապես կլքեն բլոգային հարթակները, կամ կտեղափոխվեն Գուգլ+-ի եւ Թամբլերի նման սոցցանցային եւ ռեբլոգային հարթակներ:
4.  QR կոդեր - անցած տարվանից Հայաստանում տարածում ստացած QR կոդերը կհայտնվեն ամենուր` քաղաքական գովազդում, պլակատների վրա, տաքսի սերվիսների մեքենաներին, ռեստորաններում: Սրա հետ եւ հետեւանքով կզարգանան մոբայլ կայքերը եւ մոբայլ տեխնոլոգիաները:
5.  Օնլայն վիդեո, մոբայլ վիդեո եւ TV -     հեռուստատեսությունները, երաժիշտները, որակյալ կոնտենտ ստեղծողները կնվաճեն ոլորտը` դուրս մղելով քաղաքացիական լրագրողներին: Օնլայն վիդեոյի դերը կշարունակի աճել, բայց հայաստանյան հեռուստատեսությունը հիմնականում կօգտագործի օնլայն վիդեոն որպես եւս մեկ հեռարձակման խողովակ: Այստեղ նոր` հետաքրքիր զարգացումներ չեն սպասվում, բացի մեկ-երկու սկանդալային հոլովակների ի հայտ գալուց եւ տարածում ստանալուց:

QR կոդը՝ թերթերի փրկությո՞ւն

Փչացած ամսագրերի մասին

Այս տեսանյութը ցույց է տալիս, թե ինչպես է ժամանակակից թվային տեխնոլոգիաների սերունդը դժվարանում հասկանալ թղթե ամսագրի «աշխատանքի սկզբունքները»՝ փորձելով Apple ընկերության հանրահայտ iPad-ի վրա սովորական դարձած ժեստերը։
Read more »

ՀՖՖ նախագահը ֆուտբոլասերներին է դիմում՝ Ֆեյսբուկ էջի միջոցով

Հայաստան - Իռլանդիա ֆուտբոլային խաղից հետո, որի արդյունքում Հայաստանի ազգային հավաքականը, ցուցադրելով  աննման խաղ, այնուամենայնիվ զրկվեց ֆուտբոլի Եվրոպայի 2012 թվականի առաջնության ընտրական փուլի փլեյ-օֆներին մասնակցելու եւ եզրափակիչին մասնակցելու հնարավորությունից, մեկ ամբողջ օր՝ հոկտեմբերի 12-ին, հայ լրագրողները փորձում էին Հայաստանի ֆուտբոլի ֆեդերացիայից (ՀՖՖ) արձագանք ստանալ՝ խաղի եւ մասնավորապես՝ իսպանացի մրցավար Էդուարդո Գոնսալեսի խաղավարության վերաբերյալ։
Read more »

Անժելա Սարգսյանի «էֆեկտը»

Երեկ վերջապես չդիմացա եւ գրեցի հայկական ամենաքննարկվող պոռնոսկանդալի եւ դերասանուհի Անժելա Սարգսյանի մասին իմ անգլալեզու՝ Հայկական դիտորդ բլոգում։

Read more »

Սեպտեմբերից մեկնարկում է ՍիվիլՆեթ Թիվին

Սեպտեմբերին Սիվիլիթաս հիմնադրամը երեք նոր նախաձեռնություններ է սկսում՝ լուրերի հեռարձակում համացանցով, օրաթերթի հրատարակություն, ինչպես նաև հանրային հարցումների անցկացում: Ինձ առավելապես հետաքրքրում է Սիվիլնեթը` հայերեն եւ անգլերեն հեռարձակվող օնլայն հեռուստատեսության գաղափարը` հիմնականում ելնելով իմ ցանցային ապրելակերպից:
Read more »

«Փաստորեն, մեր երկրում կար արտահայտվելու կարիք». իմ հարցազրույցը «Հետքին»

Քաղաքացիները եւ լրագրողներն ի՞նչ խնդիրների են բախվում խոսքի եւ մամուլի ազատության ասպարեզում: Ի՞նչ դեր կարող են խաղալ միջազգային կազմակերպությունները Հայաստանում խոսքի եւ մամուլի ազատության ապահովման գործում:

Խնդիրներից մեկն այն է, որ չկա վստահություն դատական համակարգի հանդեպ: Եվ, եթե լրագրողը գրում է կարծիք կամ մեկնաբանություն, ապա չկա երաշխիք, որ նրան իր կարծիքի համար չեն «պատժի» դատարանի միջոցով, որ լրագրողը ստիպված չի լինի որեւէ պաշտոնյայի հսկայական տուգանք վճարել: Երկրորդ խնդիրը ինքնագրաքննությունն է: Ուղղակի գրաքննություն չկա, բայց լրագրողը երբեմն ինքն իրեն է զսպում, որ խուսափի ինչ-որ բաներ հրապարակելուց` գուցե մտավախություն ունենալով, որ դրանից հետո կունենա խնդիրներ, օրինակ` այն խնդիրը, որի մասին արդեն նշեցի:
Read more »

Վստահե՛ք ինձ, ես լրագրող եմ...

«Ա1+»-ի E ակումբ հաղորդաշարի ուշադրության կենտրոնում անվստահելի տեղեկատվության եւ լրատվամիջոցների, լրագրողների նկատմամբ վստահության թեման է:

Վահան Հովհաննիսյանը «տեղն է դրել» «Գոլոս Արմենիի» թերթին

Հայ հեղափոխական դաշնակցության խորհրդարանական խմբակցության ղեկավար Վահան Հովհաննիսյանի եւ “Голос Армении” թերթի միջեւ վեճ է ծագել: Թերթի լրագրողը առաջարկել էր Վահան Հովհաննիսյանին շնորհակալական խոսք ուղղել թերթի 20 ամյակի կապակցությամբ: Հովհաննիսյանը մերժել էր` ասելով, թե խոսելու ցանկություն չունի:
Read more »

Հարյուր տարվա արնախումություն

Մարդկության պատմության խոհանոցի վերջին 100 տարին

Զարհուրելի ինֆոգրաֆիկան պատկերում է մարդկային պատմության վերջին 100 տարին՝ 25 զինված հակամարտությունների արդյունքում 38 միլիոն կորսված մարդկային կյանքեր, արյուն, արյուն, արյուն... Հայոց ցեղասպանությունից մինչեւ Ռուանդա եւ դրանից անդին։

Աղբյուր

«Հայաստանյան մամուլի դատական հետապնդումները շարունակվում են»

«Աստղաբաշխական փոխհատուցում վճարելու պահանջով դատական հայցերը սպառնալիք են հայաստանյան թերթերի համար», - համոզված են հեղինակավոր «Լրագրողներ առանց սահմանների» կազմակերպության ներկայացուցիչները:

Read more »

Freedom House. «Վերջին 10 տարվա ընթացքում մամուլի ազատության վիճակը ամենավատ ցուցանիշին է հասել»

Freedom house միջազգային հեղինակավոր իրավապաշտպան կազմակերպության տվյալներով` աշխարհում վեց մարդուց միայն մեկն է ապրում ազատ եւ անկախ մամուլ ունեցող երկրում:

Read more »